ජෛව ඩීසල් හෙවත් “Biodiesel” කියන්නේ එළවළු තෙල් සත්ව, මේද හෝ ප්‍රතිචක්‍රීකරණය කරන ලද ආපන ආපනශාලා ග්‍රීස් වලින් නිෂ්පාදනය කරනු ලබන පුනර්ජනනීය හා ජෛව හායනයට ලක් විය හැකි ඉන්ධනයක්. මෙම ජෛව ඩීසල් පුනර්ජනනීය ඉන්ධන ප්‍රමිතියේ ජෛව ස්කන්ධ මත පදනම් වූ ඩීසල් හා සමස්ත උසස් ඉන්ධන අවශ්‍යතාවය යන දෙකම සපුරාලීමට සමත් වී තිබෙනවා. එමෙන්ම පුනර්ජනනීය ඩීසල් “හරිත ඩීසල්” ලෙස හඳුන්වන අතර එය ජෛව ඩීසල් වලින් වෙනස් වේ.
ජෛව ඩීසල් ද්‍රව ඉන්ධනයක් වන අතර එය බොහෝවිට B100 (Bio-diesel 100%) හෝ එහි පිරිසිදු, මිශ්‍ර නොකළ ආකාරයෙන් “පිරිසිදු ජෛව ඩීසල්” ලෙස හඳුන්වයි. මේවා පෙට්‍රෝලියම් ඩීසල් මෙන්ම සම්පීඩක ජ්වලන එන්ජින් (fuel compression ignition engine) ඉන්ධන සඳහා යොදාගනී.
Biodiesel හෙවත් ජෛව ඩීසල් නිපදවීමේ හා භාවිතා කිරීමේ මූලික පියවර දැක්වෙන දළ සටහන පහත වේ.
සීත කාලගුණය හිදී, ජෛව ඩීසල් වල ක්‍රියාකාරිත්වය රඳා පවතින්නේ ජෛව ඩීසල් මිශ්‍රණය, ආහාර ද්‍රව්‍ය හා පෙට්ට්‍රෝලියම් ඩීසල් වල ලක්ෂණ මත වේ. සාමාන්‍යයෙන් ජෛව ඩීසල් කුඩා ප්‍රතිශතයක් අඩංගු මිශ්‍රණයක් සීතල උෂ්ණත්වවලදී වඩා හොඳින් ක්‍රියාකරන බව සොයාගෙන ඇත.
මෙම ජෛව ඩීසල් භාවිතා කිරීමේ දී ප්‍රධාන වාසි හතරකි.
01) වාහන ඉන්ධනයක් ලෙස භාවිතා කිරීමේදී බලශක්ති සුරක්ෂිතතාවය වැඩිකිරීම (energy security and balance)
2020 දී ඇමරිකා එක්සත් ජනපදය ආනයනය අභිබවා අපනයනය කරමින් ඛනිජ තෙල් සුද්ද අපනයන කරුවෙකු බවට පත්විය. එහිදී ඉන්ධන පරිභෝජනය අඩු කිරීම සඳහා ජෛව ඩීසල් හා වෙනත් විකල්ප ඉන්ධන හා උසස් තාක්ෂණයන් භාවිතා කිරීම මගින් ප්‍රවාහන උදෙසා වන බලශක්ති පිරිවැය අඩු කිරීම අඛණ්ඩව සිදු කරනු ලබයි.
02) වාතයේ ගුණාත්මක භාවය ආරක්ෂා කිරීම (air quality)
ඇමරිකා එක්සත් ජනපදයේ අර්ගෝන් ජාතික රසායනාගාරය විසින් සිදුකරන ලද ජීවන චක්‍ර විශ්ලේෂණයකින් සනාථ වූයේ Bio-diesel හෙවත් ජෛව ඩීසල් භාවිතය පෙට්‍රෝලියම් ඩීසල් හා සසඳන විට කාබන්ඩයොක්සයිඩ් විමෝචනය 74% කින් අඩු කරන බවයි.
03) ඉන්ධන ලිහිසි තාව වැඩි දියුණු කිරීම (engine operation)
04) ආරක්ෂිත ප්‍රතිලාභ ලබා දීම (safety)
ජෛව ඩීසල් එහි පිරිසිඳු මිශ්‍ර නොකළ ආකාරයෙන් පරිසරයට කාන්දුවුවහොත් හෝ මුදා හැරීමෙන් පෙට්‍රෝලියම් ඩීසල් වලට වඩා ඉතා අඩු හානියක් සිදු කරයි. එමෙන්ම මෙම ජෛව ඩීසල් හැසිරවීම ගබඩා කිරීම හා ප්‍රවාහනය ඉතා ආරක්ෂිතයි.
ජෛව ඩීසල් නිපදවන රටවල් අතර ඇමෙරිකා එක්සත් ජනපදය, බ්රසීලය, ජර්මනිය ආජන්ටිනාව, චීනය වැනි රටවල් ප්‍රමුඛස්ථානයක් උසුලයි.
කෙසේ නමුත් ශ්‍රී ලංකාව වැනි සංවර්ධනය වෙමින් පවතින රටවල් සඳහා ජෛව ඉන්ධන නිපදවීම වැනි සංකල්ප හඳුන්වා දීමේ දී සැළකිය යුතු කරුණු කිහිපයකි. එනම් ඒ සඳහා අවශ්‍ය පරිදි භූමි ප්‍රමාණය ලබාගැනීම, ප්රතිපත්ති ස්ථාපිත කිරීම, අදාල තාක්ෂණික දැනුම, නියමිත ප්‍රමිතීන් හඳුන්වා දීම, දැනුවත් කිරීම හා ආයෝජන අවස්ථා සොයාගැනීම ඉන් කිහිපයකි.
(උපුටාගැනීම අන්තර්ජාලයෙන්)
Happy to see this valuable information hopes responsible sri lankan authorities will attend honestly do needfull to get benefit to the country through this bio-diesel project thanks